Payet agent a ṭawng chhuak

Tun hnaia player thawm nei na ber pawl West Ham midfielder Dimitri Payet-a'n Hammers-ah 100%-a a cham chian tur thu a sawi niin an tarlang a, France international agent chuan a player thusawi anga chhuah chu dawt mai a nih thu a sawi thung!

Payte-a agent Jacques-Oli-vier Auguste chuan, "Khawi aṭangin nge he thil hi a lo chhuah ka hre lo a, Payet hian West Ham-ah 100%-a a cham chian thu a la sawi lo hrim hrim. Club-in Payet hi lakluh an duh a nih chuan West Ham an be hmasa phawt ang a, chu chu bul ṭan dan tur chu a ni," a ti.

Auguste chuan sawi chhun-zawmin, "Dimitri hian West Ham tana khelh nuam a ti em em a, mah se 100%-in a cham chiang dawn tih erawh thil theih loh a ni," tiin sawi a, kum 29-a upa midfielder hmalam hun a chiang leh ta lo.