Demba Ba hliamin ngaihven a hlawh

Chelsea striker hlui Demba Ba chu Chinese Super League-a Shang-hai Shenhua leh Shanghai SIPG an inhmachhawn ṭumin SIPG captain Sun Xiang nen ball an inchuhna lamah a ngal ruh a tliak a, Senegal international hi khelmualah kan hmu tawh kher lo mai thei!

Kum 31-a upa striker hian nikum khan Turkish club Besiktas aṭangin sum tamna lam China panin Shanghai Shenhua a zawm a, pound maktaduai 12-a a zawm Chinese club tan hian vawi 29-a inlan tawhah goal 20 a khung sak tawh.

West Ham leh Newcastle United tan pawha lo khel tawh striker hian tun season-ah Shenhua tan league match 18 khelin goal 14 a khung a, Chinese Super League-ah top scorer a ni mek.

Shenhua coach Gregorio Man-zano chuan, "Demba hliam hi a na a, a professional career ti tawp thei hial khawp a ni. Ba chan ai chuan hnehna chan loh pawh ka duh zawk," tiin Shanghai Derby-ah hian 2-1 in chak mah se an lawm a kim loh thu a sawi.