ZoUnited ṭha zawk kan hmu dawn em?
Mizoram Premier League Season 4-ah Zo United-in semifinal an thleng. Season thar a ni tawh a, player ṭha an chhuak nual a, an luh belh nual bawk - an ṭha sawt dawn em?
Veteran player hoin
MFA registration committee hnuaiah Zo United hian player 21 an ziak lut a, heng bakah hian MPL Under 18-a an chhawr tur kee-per LK Hmangaihzuala (Hnah-thial), defender Freddy Malsawmdawngkima (Veng-hlui), midfielder KC Lalruat-kima (College Veng) leh striker Malsawm-dawngliana (Hnahlan) te chu inelna an hmachhawn turah an chhawr thei bawk ang.
Zo United hian squad tichak turin Shillong club Royal Wahing-doh aṭangin midfielder pahnih H. Malsawmtluanga leh C. Laldin-mawia te an lalut tawh a, inter state transfer an tihfel hnuah chauh an hmang thei ang. Tlangnuam midfielder Mala leh Electric Veng midfielder Dinmawia te hi an vanglai chuan result tidanglam thei player an ni a, tuna an dinhmun tur erawh a la hriat loh.
Coach pahnih
Zo United secretary Zonunsanga chuan, "SYS director Mamawia'n kan coach C. Lalrinsanga hawh kan dilna min phalsak avangin an hotute chungah kan lawm hle. Rinsanga leh Vanlalrova te kaihhruaina hnuai-ah result ṭha tak kan neih theih kan beisei," tiin a sawi a, Zo United hruaitu hian an sponsor Nextcomm, Home Mission School leh Zopar te chungah lawmthu a sawi bawk.
Season liam ta khan tla thei dinhmuna an din hnuah C. Lalrinsanga chuan Zo United hi a chhanhim. Tun ṭumah erawh Luangmual coach hlui Vanlalrova'n a enkawl a, veteran coach Rin-sanga'n a thlirpui reng bawk.
Team bihchianna
Zo United hian MC Lalneih-sanga leh Danny Lalrohlua te an kawl a, keeper tawnhriat nei ṭha pahnih bakah ṭha chho thei tura beisei K Hmangaihzuala an neih avangin goal veng turah an buai lo.
Tlarhnungah MPL khel tawh Lalnunpuia Pachuau, Malsawma Chhangte leh Hmingthanzauva te an nei. Kolasib lamah Dominic Lalruatfela'n a ṭhatzia a lantir tawh a, Mizoram inelna sangah a theihna hmuh a ni thuai dawn. Midfield lamah phai lama tawnhriat nei player bakah R. Lalthantluanga, Laldinliana Varte, Isak Vanlalpeka leh Lalṭha-zuala (Puitea) te an kawl avangin an ṭha tawk.
Tuna Zo United buaina chu tlar-hma a ni a, season liam taa Chanmari West FC tana hming chher Lalnunsanga (Tale-a) chu a inhliam vangin I Day Football-ah a inlan hman a rinawm lo a, player dang lah an la nau hret bawk.
Coach thukhawchang
Zo United coach Vanlalrova chuan, "Nikum Luangmualah kha chuan practice hmaa ka hriat ngai loh player kan kawl nual a, tunah erawh tawnhriat nei ṭha player-in min ho thei a. Nikum Luangmual ai chuan kumin Zo United chu an ṭha zawk a, team dang barakhaih thei turin rim takin kan thawk chho ang," a ti - season thar atana training ṭan hmasa ber an ni.
Zo United - I Day Football Fixtures
July 26, Thawhlehni
02:30 PM Zo United FC Vs Ramhlun North FC
July 30, Inrinni
12:30 PM Dinthar FC Vs Zo United FC
August 4, Ningani
02:30 PM Bethlehem VT Vs Zo United FC
August 6, Inrinni
12:30 PM Zo United FC Vs Shillong Lajong FC
July 25 aṭangin I Day Football khelh ṭan a ni dawn
Zo United Squad
# Hming Koh dan Permanent Address
Goalkeeper
1 MC Lalneihsanga MC Mampuia Siahatla
2 Danny Lalrohlua Danny Durtlang Leitan
Defender
3 Dominic Lalruatfela Dominic Project, Kolasib
4 Rosangzuala Taia Maubawk
5 Hmingthanzauva Zaua Keifang
6 Lalnunpuia Pachuau Nunpuia Jail Veng, Champhai
7 Vanlalhmangaiha Lalhmaa Ramhlun North
8 Rohlupuia Bawihpuia Khawzawl VT
9 Jonathan Lalramthara Jonathan Champhai VT
10 Malsawma Chhangte M.Chhangte Champhai Venglai
Midfielder/Winger
11 Vanlalhmangaiha Hmangaiha Electric Veng
12 Isak Vanlalpeka Isaka Venghlui
13 Lalthazuala Puitea Zonuam
14 Laldinliana Varte Dina Varte Sihphir
15 Vanlalremsanga Remsanga Khawhai
16 R. Lalthantluanga R.Mama Khawlailung
17 Vanlalruata Ruata Sihphir Venghlun
18 Lalhmangaihtluanga Tluanga Khawzawl-Zuchhip
Forward
19 H. Remlallawma Marema Hnahthial
20 Lalnunsanga Tale-a Armed Veng South
21 Lalbiakkima Kimkima Thingdawl
Note : MFA registration committee hnuaia inziaklut tawh