Downton-a'n ECB a chhuahsan

England and Wales Cricket Board (ECB)-a managing director ni lai Paul Downton chu Nilaini khan a hna chelh lai aṭangin a bang.

England wicketkeeper ṭhin Downton-a'n a hna chawlhsan chhan hi kumin ICC World Cup-a England chet chhiat vang nia sawi a ni.

Downton hian ECB managing director a nih chhungin thutlukna lian­tham tak tak a siam nual a, chung zinga langsar pawlah chuan England batsman huhang ngah tak Kevin Pietersen England squad aṭanga chhawk te leh ODI captain Alastair Cook nikum December thlaa an ban te kha a ni hlawm.

Downton hian Feb­ruary 2014 khan a hna hi a chelh ve chauh a, kum khat aia rei lo hret thawkin a bang dawn ta a ni.