IPL-ah chak result nen KKR in bul ṭan

India Premier league season 8 na chu Nilaini zan khan Kolkata-ah khelh ṭan a ni a, match hmasa ber inkhelah Kolkata Knight Riders chuan wicket sarih in Mumbai Indians chu an hneh a ni.

Eden Gardens-a inkhelah hian Mumbai Indians chu bat hmasa zawkah ṭangin captain Rohit Sharma chuan ball 65 a hmachhawnah run 98 hlapchhuakin a tawp thleng a dam. Corey Andreson pawhin ball 41-ah run 51 vawchhuakin dinhmun duhawm takah an team an hlangkai a, over 20-ah run 168 vawchhuakin mi pathum an hloh.

Mahse, KKR in an khelmualah tlawm mai an tum lo. Ball 43-a run 57 vawchhuaktu captain Gautam Gambhir leh ball 20-a run 46 vawchhuaktu Suryakumar Yadav te Mumbai Indians bowler te'n an ngam lo. Over 18.3-ah KKR in an target rawn umpha in run 170 an vawchhuak a, KKR chu chak zawkah an ṭang ta a ni.

Nizan dar 8:00 khan Chennai Super Kings leh Delhi Daredevils te chu MA Chidambaram Stadium, Chennai-ah an inkhel a, an result kan hre hman lo.