I League Second Division India ram inelna sang berah Mizoram club tan hmun a awm em?
Mizoram chhunga football inelna sang ber chu Mizoram Premier League a ni a, India rama inelna sang ber chu I League a ni. MPL club tan I League khel nghal turin quota a awm lo a, I League second division khel pha aṭanga a thiam ber chauhin 2015/16 season-ah I League an khel dawn.
Inelna bihchianna
Mizoram aṭangin Aizawl FC leh Chanmari FC an tel. An elpui zinga langsar chu India ram football powerhouse ni ṭhin West Bengal club Mohammedan SC leh United SC te an ni a, Jammu and Kashmir club Lonestar Kashmir FC, Delhi club Hindustan bakah Maharashtra club pahnih Kenre leh PIFA te an tel bawk.
I League Second Division khelh zat hi MPL nena khaikhin theih a ni a, club pariatte hi vawi hnih ṭheuh an inkhel kual ang a, chumi zawha sang ber chuan season tharah I League an khel ang.
Siliguri, West Bengal-ah first phase khel tur a ni a, second phase hi Golaghat, Assam-ah khelh leh tur a ni.
Thlirletna
Kum 2007 aṭangin I League khelh ṭan a ni a, second division hi kum 2008-ah ṭan a ni ve bawk. India ramah football-in kalphung nghet tak a la neih loh avangin team tel zat leh I League-a lut chho zat hi a dang ve zel a, hei hi thil mak a ni hran lo. 1992-93 season aṭanga Premier League ṭan a nih khan team 22 an tel a, tunah chuan team 20 inelna a ni.
A ṭan kum hian Chirag United an champion a, anni hi tuna United Sports Club te hi an ni. Hemi ṭum hian Mohammedan, Mumbai, Vasco, leh Chirag United te chu I League-ah an inhlang kai.
Kum 2009-ah Pune, Shillong Lajong, Viva Kerala, leh Salgaocar te I League khel turin an tling a, Shillong Lajong hi Northeast aṭanga tel hmasa ber an ni a, hetih hunlai hi chuan Mizoramin I League club neih a la inbeisei lo.
Kum 2010-ah team hnih chiang an tling chho a, ONGC leh HAL te an tling. Kum 2011-ah a vawi hnihna atan Shillong Lajong an tling a, Sporting Clube de Goa an kai tel bawk. Kum 2012-ah ONGC leh United Sikkim an tling a, 2013 khan Rangdajied United F.C leh Mohammedan SC te an tling.
Kum 2014 aṭangin team khat chiah I League khel turin an tling chho a, hemi ṭum hian final round phase 2 chu Lammualah khelh a ni nghe nghe. Shillong club Royal Wahingdoh-in league match hnuhnung berah Bhawanipore hnehin tun season aṭangin I League an khel a, team ṭha ber zingah an tel pha nghal.
MPL nena khaikhinna
Mizorama football league sang ber MPL hi season thum khelh a ni tawh. Round 4 khelh zawhah MPL1-ah goal 41, MPL2-ah goal 41, MPL3-ah goal 49 a luh laiin I League second division-a Round 4 khelh zawhah goal 67 a lut tawh.
Hmahruai mektu Aizawl FC hian I League second division-ah goal 13 an khung tawh a, MPL3-a Aizawl FC an champion ṭum khan Round 4 khelh zawhah goal kua chauh an khung.
Inelna neih meka goal khung tam ber chu Chanmari FC an ni a, goal 16 an khung tawh. Anni hian MPL3-ah khan Round 4 khelh zawhah goal 14 an khung a, goal khung thei tak club an ni.
MPL club dinhmun
Round 4 an khelh zawh aṭanga thlir chuan Mizoram club tan I League-ah hmun a awm chiang a, amaherawhchu chiang sa ang a ngaih chu a fin thlak loh. Lonestar Kashmir leh Mohammedan SC te hi MPL club pahnih elpui tur a ni.
Aizawl FC leh Chanmari FC te hi Round 7-ah an inkhel dawn a, club pakhat tan chauh hmun a awm dawn avangin a pawimawh khawp ang.
RESULTS & FIXTURES
ROUND 1 : Goal 16
Chanmari 4 - 1 Kenkre
CFC : Malsawmfela 33'; Yinka Joel Sunday 33', 47'; F.Lalrinpuia 61'.
Kenkre : Yash Mhatre 54'
Mohammedan 2 - 0 United SC
Aizawl FC 4 - 1 Lonestar Kashmir
Aizawl FC : Rahul Kumar 34' (OG); B. Zoramthara 45'; David Lalrinmuana 75'; H. Lalbiakthanga 90'
Lonestar : Christopher Chizoba 78'
PIFA 2 - 2 Hindustan
ROUND 2 :
Kenkre 1 - 4 Aizawl FC
Kenkre : Yao Kouassi Bernard 15'
Aizawl FC : Albert Zohmingmawia 6'; Emmanuel Chigozie 8'; David Lalrinmuana 75'; Morgan Justice 80'
Hindustan 2 - 6 Chanmari
Hindustan : James Effiong 11';
Dilli Sanyasi
CFC : Lalbiakhlua 24', 27', 38';
Joel Sunday ; Laldingngheta 68'; Joseph Lalnunpuia 90'
Mohammedan 1 - 2 Lonestar Kashmir
PIFA 0 - 1 United SC
ROUND 3
Aizawl FC 2 - 1 Mohammedan SC
Aizawl FC : Rohmingthanga 70'; Lalrozama 74'(P)
MSC : Ashim Biswas 39'
Lonestar Kashmir 1 - 0 PIFA
Kenkre 0 - 3 Hindustan FC
Chanmari FC 5 - 1 United SC
CFC : Lalbiakhlua 15', 45';
F. Lalrinpuia 35', 68';
Malsawmfela 82'
USC : Jagannath Sana 84'
ROUND 4
United SC 5 - 3 Kenkre
PIFA 0 - 5 Mohammedan SC
Hindustan FC 2 - 3 Aizawl FC
HFC : Jagdeep Singh 77'; OO Sola 88'
Aizawl FC : Alfred Kemah Jaryan 48', 62'; H. Lalbiakthanga 89'
Chanmari FC 1 - 2 Lonestar Kashmir
CFC : Lalbiakhlua 26'
LFC : Ajay Singh 76';
Chritopher Chizoba 88' (P)
ROUND 5 : April 10, Zirtawpni
Kanchenjunga Stadium
Hindustan 9:30AM United SC
Mohammedan 3:15PM Chanmari FC
SSB Ranidanga Ground
Aizawl FC 9:30AM PIFA
Lonestar Kashmir 3:15PM Kenkre
ROUND 6 : April 13,
Thawhṭanni
Kanchenjunga Stadium
United SC 9:30AM Aizawl FC
Lonestar Kashmir 3:15PM Hindustan
SSB Ranidanga Ground
Chanmari FC 9:30AM PIFA
Kenkre 3:15PM Mohammedan
ROUND 7 : April 16, Ningani
Kanchenjunga Stadium
Aizawl FC 9:30 AM Chanmari FC
PIFA 3:15 PM Kenkre
SSB Ranidanga Ground
United SC 9:30AM Lonestar
Kashmir
Hindustan FC 3:15PM Mohammedan