Falcao hi striker tha a ni - Aguero

Manchester City stri­ker Sergio Aguero chuan Manchester United striker Radamel Falcao chu khawvel a striker ṭha ber te zing ami leh pianpui thiamna nei ṭha bik a nih thu a sawi.

Nikum September khan Falcao hian Monaco aṭangin beiseina sang tak nen Manchester United hi loan-in a zawm a, mahse beisei angin a cheṭha lo.

Manager Louis van Gaal a hnuaiah Premier League-ah vawi 12 inkhel bul a ṭan tawh aṭangin goal li chauh ala khung a ni. Porto leh Atletico Madrid a a khelh lai nena khaikhin chuan a che ṭha lo hle a ni.

Argentine striker Aguero chuan, "Khaw­velah striker ṭha leh thiam bik tam tak an awm, chung zinga pakhat chu Falcao hi a ni. Amahah hian pianpui thiam na leh theih na sang tak a awm a ni. Manchester united-ah hian player ṭha leh langsar tak tak an awm a, an khelh ṭhat ni chuan dan harsa tak an ni. Mahse a chang chuan an theihna an pho lang thei ṭhin lo a, hraitthiam an har rih hle," tiin a sawi.