Blatter-a'n Africa thlawpna a nei vek lo - Figo

Portuguese footballer ropui chawl ta Luis Figo chuan FIFA president ni lai Sepp Blatter chu Africa khawmualpuia ram zawng zawngin an thlawp bik vek loh thu a sawi.

May 29-a FIFA president thlanna a Blatter khing tu tur Figo-a'n he thu a sawichhuah chhan hi Confederation of Africa Football president Issa Hayatou-a'n CAF member zawng zawngin Blatter an vote tur thu CAF conference-a a sawi vang a ni.

Real Madrid player hlui kum 42-a upa Figo chuan, "CAF member 54 aiawhin Issa hian thu a sawi lo tih a chiang a ni. Chumi tichiang tu chu hetiang thu ṭum dang inthlan dawna an sawi chuan member te'n an ṭawmpui zia dingchungin an tilang ṭhin a, tunah chuan member te'n kut ben loh aiah kut an lo beng ve vel mai mai a ni," tiin CAF president thusawi chu a ṭawmpui lo hle.

FIFA president hi May 29-ah inthlan thar tur a ni dawn a, President ṭanglai Sepp Blatter bakah Fifa vice-president ṭang lai Prince Ali Bin Al Hussein of Jordan, Luis Figo leh Dutch Football Association chairman Michael van Praag te'n a n chuh dawn a ni.