Coppa Italia final-ah Lazio

Lazio chuan Liverpool manager hlui Rafa Benitez-a team Napoli chu 1-0 a hnehin Coppa Italia final an lut. Final-ah hian Juventus nen an inhmachhawn ang. Final hi June 7-ah Napoli khelmual Stadio Olimpico-ah khelh tur a ni.

Team pahnihte hi First leh-ah Lazio khelmualah 1-1 in an lo inhnehtawk tawh a, second leg hi Napoli khelmual a khel an nih avangin Benitez a naute dinhmun a ṭha zawk a ngaih a ni. Mahse, mikhual team tan Senad Lulic chuan hun tawp hma minute 11 chauh awm tawhah Felipe Anderson ball cross chu a ti goal a ni. Goal dang a luh belh loh avangin inkhel hmasa nen belhkhawmin 2-1 in Lazio an chak ta a ni.

Napoli coach Benitez chuan, "Goal khung na hun ṭha vawi tam tak kan nei a, mahse kan khung thei tlat lo. Chak result neih kha kan phu a sin le, a pawi khawp mai. Mahse kan indawm kun mai tur a ni lo ang, tunah hian League game kua khelh hmabak kan la nei a hetah hian kan theihna zawng zawng kan sawrbing tawh ang," tiin a sawi.