Kum nga hnuah Video technology EPL-ah hmang dawn
Dutch FA lam thuneitu te chuan video technology chu Premier League-ah kum nga hnu velah an hman tawh an rin thu an sawichhuak.
Tunhnaiah Premier League referee te'n tihsual an ngah avangin video technology hman rawtna hian thawm a nei lian zual hle. Dutch FA hian video technology hman hi an rawtna a rei tawh a, mahse tunhnaiah hman chhin an tumna chu International Football Association Board chuan February khan thla sawmpahnih chhung atan an tih khawtlai sak rih a ni.
Dutch FA operations director Gijs de Jong chuan, "Kum nga chhung bak Premier League hian an nghah ka ring lo. English FA hruaitu te kan zawh pawhin kum nga chhung hi chuan referee te'n video technology an hman theih mai an inring tawh a ni," a ti.