Chelsea-in Japanese striker lakluh an tum

Premier League hmahruaitu Chelsea chuan Japan international striker Yoshinori Muto chu nipui transfer bazar inhawn hunah Stamford Bridge-a seng luh ngei tumin an be mek.

Kum 22-a upa Muto hi Japan tan vawi 11 khel tawhin kumin Asian Cup-a Japan in quarter final an luhna kalkawnga an player ṭangkai a ni.

Kar hnih liamta a Keio University aṭanga Economics graduate Muto hi J League club ṭha pawl FC Tokyo tan khel mekin season hmasa khan club tan vawi 33 khelhah goal 13 a khung a, JLeague's Best XI-ah a tel pha hial.

Muto hian Chelsea a pan a nih chuan vawi 30 inlan a goal 20 khung tawh Diego Costa, vawi 16 inlana goal nga khung tawh French striker Loic Remy te nen hmun an inchuh a ngai dawn a ni.

Chelsea hi tun hnaiah Japan nen an inhnim hnai hle a, February thla khan Japanese tyre manufacturer nen shirt sponsorship deal thar an ziak a, Chelsea hian kum nga chhung kum tin in pound maktaduai 40 an dawng dawn a ni.