Motor khalh thei lo tur Fernandez

Chelsea midfielder Enzo Fernandez chuan lirthei khalh chungchangah dan a bawhchhia a, court lama inlan tura tih a nih hunah a inlan loh bawk avangin thla ruk chhung motor khalh thei lo tura hrem a ni. Hei bakah hian pawisa £3,020 chawitir a ni bawk.

Dan a bawhchhiat hi nikum tawp lam kha niin motor tlan phal loh lai 'Red Light' inchhit laiin a tlan lui a ni. Nikum November-ah khan Llanelli-ah hmuh a ni a, hei bakah hian December-ah khan Swansea-ah hmuh a ni bawk.

Lirthei neitu hi chhui a ni a, a number aṭangin Blues midfielder Fernandez-a ta a ni ngei tih finfiah a ni a, milar leh hriat hlawh tak ni mah se dan a bawhchhiat miau avangin hramna a pumpelh thei chuang lo.