United sum hloh a tam

Manchester United chuan tun hnai khan an sum hloh zat chu pound maktaduai 113.2 a ni tih an tarlang, tun hnai kum nga chhunga sum an hloh chu pound maktaduai 370 chuang a ni.

Kum 2022-23 season khan United hian pound maktaduai 28.7 an hloh a, 2021-22 season khan pound maktaduai 115.5 an hloh thung, tuna an hloh nena belhkkhawm chuan a tam tham hle.

Premier League inkhaihhruaina dan ang chuan, kum thum chhungin club ten pound maktaduai 105 aia tam an hloh lo tur tih a ni, hemi dan an bawhchhiat avangin Everton chu an point hmuhsa paihsak an lo ni tawh.