Wilshere hi zawrh lai a ni lo - Wenger

Arsenal midfielder Jack Wilshere chu zawrh lai leh lei theih a nih loh thu Arsenal boss Arsene Wenger chuan a sawi.

Inhliam vangin hun reitak chhung a inkhelh theih loh hnuah Wilshere a rawn let leh ṭan mek a, zanin dar 10:00 a Arsenal leh Burnley inkhelh turah chuan a tel thei tawh tur a ngaih a ni. He tih lai hian Manchester City lamin lakluh an tum tiin thuthang a lo awm mek bawk.

Thuthang leng vel chu chhang in Wenger chuan, "Tumahin mahni player ṭha ber hralh chhuah hi an duh ngai lo ang, chutiang dinhmunah chuan kan ding lo bawk. Wilshere hi kan player pawimawh leh ṭangkai a ni a, chuvangin a chhuak lo ang. Zawrh lai a ni lo," tiin a sawi.