Rimtu ngah Nathaniel Clyne

Southampton right back Nathaniel Clyne chu tun season-a a khelh ṭhat em avangin club dang aṭangin rimtu a ngah hle. Southampton manager Ronald Koeman pawhin hei hi a pha lo a, an theih­tawp chhuahin an hnenah Clyne chu cham tura hmin an tum thu a sawi.

Dutch coach Koeman chuan, "Clyne hi kan hnena cham turin hmin kan tum a, mahse amah duhtu club tam tak an awm avangin a harsa dawn a ni,"a ti.

Kum 24-a upa Clyne hian July 2012 khan Crystal Palace aṭangin Saints hi a zawm a, kum 2016 nipui thleng cham turin contract a nei a ni.

Southampton hi an defender kum 26-a upa Toby Alderweireld chungchangah pawh an la buai rih hle. Spanish defender hian Atletico Madrid aṭangin Saints hi loan in a zawm a, amah hian cham hlen a duh. Mahse, Spanish champion Atletico spor­ting director Jose Luis Perez chuan an hnenah Toby hi a kir tur thu a lo sawi tawh a ni.