Chennai Super Kings an chak hram
Ningani zan khan India Premier League-ah inkhel hmuhnawm tak awmin Chennai Super Kings chuan Delhi Daredevils chu wicket khatin an hneh.
MA Chidambaram Stadium, Chennai-a inkhelah hian Delhi Daredevils chuan over 20-ah run 149 vawchhuakin mi pakua an hloh a, Chennai in over 20-ah run 150 vawchhuakin mi pasarih an hloh a, wicket khatin hnehna an chang ta a ni.
Delhi tan Albie Morkel chu hmuhnawm khawpin a khel a, ball 55 a hmachhawnah run 73 vawchhuakin a tawp thleng a dam. Mahse South African batsman Morkel hi a khelhpui te'n an thlawp ṭha tawk. Vaibelchhe 16 zet hlawhtu Yuvraj Singh chuan Delhi tan hian run 9 bak a vawchhuak thei lo a ni.
Chennai lamah batsman aiin bowler an langsar zawk a, kum 35-a upa Ashish Nehra chuan a la chuai lo tih tilangin over 4-ah run 25 chauh pein wicket thum a la a, 'Man of the match'-ah thlan a ni. He fast bowler hi tun ang renga a khel thei a nih ngat chuan India team-ah koh leh a ni ngei ang.