Bethlehem ngamtu Chawnpui

LZ Juice MPL 11 khelh laiah, nimin khan Chawnpui FC chuan a hnuai lama awm FC Bethlehem chu 3-1 in an hneh a, coach Lalrindika Hmar enkawl team hian semifinal khel turin beiseina an chhi nung chhunzawm.

RG Stadium, Mualpuia inkhelah Nangsianliana chuan minute 12-naah goal hmahruai a khung, goal hmasa luh aṭanga minute ruk chhungin Lalthanzuala leh Jessie Lalmawizuala ten an khung belh a, chawlhlawk hmain Malsawmzuala chuan Bethlehem tan goal khat a khung ve bawk.

Lalhriatpuia Sailo enkawl Bethlehem erawhin table mawng lama an talbuaina chu an la chhuahsan thei lo, coaching staff bakah player thar la lut mah se inkhel result lamah chuan nghawng a la nei thei rih lo a ni.