Mizoram team manager an training

Cricket Association of Mizoram (CAM) chuan September 12, Ningani khan 2024 - 2025 season atana Mizoram team hrang hranga manager turte tan training a buatsaih a, manager turte pawh an kim vek a ni.

He hunah hian manager-a tawnhriat ngah tawh tak Raj Kumar Joshi, Ṭhuampui chuan training hi a pe a, manager tih tur te, mawhphurhna te leh hriattur pawimawh te a sawi.

Training hi CAM president Lalrochuanga Pachuau-in kaihruaiin manager training neih a nih chhan te leh an laka hruaitute beisei te a sawi a, vice president Dr. Joel Lalnghakliana Pautu leh Joint Secretary Lalfakawma Varte te'n thu an sawi ve bawk.

Team hrang hranga manager turte hi mi 10 niin thil pawimawh leh ṭul te inzirtir a ni a, zawhna leh chhanna hun te, sawi hona (discussion) te neih a ni bawk.

Mizoram team te hi India ram hmun hrang hrangah tournament khel turin kar leh aṭang hian an zinchhuak leh tawh dawn a ni.