Anfield-a Sterling cham beiseitu Sturridge

Liverpool Striker Daniel Sturridge chuan England leh Liverpool tana a khelhpui a thianpa Raheem Sterling chu Anfield-ah a cham chhun­zawm zel a beisei thu a sawi.

Sturridge chuan, "Raheem tana pawimawh ber chu inkhelh tam a ni a, amah pawn hei hi a duh ber a ni ngei ang. Liverpool-ah hian hetiang taka khelh tam theihna hun tha hi a nei a, kan hnena cham zel turin ka duh a ni," a ti.

Tunhnaiah Sterling hian Liverpool-ah contract thar a sign duh lo a, nipuiah a hmalam hun a tih chian chauh tur thu a sawi a ni. Sterling duhtu langsar zingah Arsenal, Bayern Munich leh Real Madrid te chu a lian pawl an ni.