Parma-in Juventus an barakhaih
Inrinni zan khan Serie A-ah table mawngphah a awm mek, Parma-in an khelmualah Serie A hmahruaitu Juventus 1-0 in an hneh.
Stadio Ennio Tardini-a inkhelah Argentine midfielder Jose Mauri chuan minute 60-naah goal awmchhun a khung. Juventus boss Massimiliano Allegri-a'n Thawhlehni zana Champions League quarter final Monaco nen an khelh tur hisapin a player pawimawh Gianluigi Buffon, Andrea Pirlo leh Serie A top scorer ni mek Carlos Tevez te a chhawr lo.
Parma hi sum lama an tlak chhiat avangin point thum paihsak an ni tawh a, an leiba neih zat zawng zawng nia an chhut sak hi euro maktaduai 75 a ni a. Season an khelh tluan theih nan Italian League thuneitu te chuan euro maktaduai 5 in an ṭanpui tawh a, point 16 an hmuin an chung chiaha awm Cagliari point ngain an pha lo. Hmahruaitu Juventus erawh point 70 hmuin anmahni hnaih bertu Roma aiin point 14 in an sang zawk.