Mohun Bagan an sang zel

Inrinni zan khan Salt Lake Stadium-ah Mohun Bagan-in Haiti forward Sony Norde goal hnih hmangin Bharat FC 2-0 in an hneh a, I League-ah an hmahruaina dinhmun an sawhnghet.

Shree Shiv Chhatrapati Sports Complex, Pune-ah East Bengal-in Ranty Martins, Harmanjot Singh Khabra leh Dudu Omagbemi te goal hmangin mualneitu Pune FC 3-2 in an hneh hram. Pune tan Matthew Gonsalves leh Darko Nikac te'n goal khat ve ve an khung ve bawk.

Pune tan midfielder Lalramluaha Hmar leh Lalrempuia te'n starting eleven an chang a, subsititute aṭangin Zohmingliana Ralte a lut bawk. East Bengal tan Robert Lalthlamuana'n bul a ṭan a, substitute aṭangin S. Malsawmtluanga a inlan bawk.

I League club zinga Mizo awm lohna team inkhelah Dempo SC-in Cooperage Ground, Mumbai-ah Mumbai FC chu injury time-a Carlos Hernandez-a goal hmangin an hneh hram.