Sherwood-a'n phuba a la

Inrinni zan inkhelh coach thar Tim Sherwood hnuaia harhtharna chang mek Aston Villa-in chak result an hlawhchhuak ve leh ta a, Christian Benteke goal hmangin khual­mualah 1-0 in Totten­ham Hotspurs an hneh.

Villa-in an hneh tak Spurs hi nikum May thlaa coach aṭanga Sher­wood bantu te an ni a, an ban hnu coach-in an khelmual ngeiah a tlawm ta a ni.

Aston Villa boss Tim Sherwood chuan, "Tottenham chairman Daniel Levy khan min ban kha dik nia a hriat vangin min ban a ni mai a, tihsual a nei lo. Pochettino-a'n he hmunah hian hna ṭha tak a thawk a ni," tiin a team hlui a sawisel duh lo.