Atalanta ṭantute'n player-te an zilh

Serie A club Atalanta-in match riat chhung chak hmel an hmu tawh lo. Atalanta supporter-te hi player-te khelh danah an lungawi lo a, mipui en theiha training an neih ṭumin fan-te hian player-te hi minute 10 chhung an zilh.

Atalanta player-te training tur hi supporter 1500 pungkhawm te'n an chawlh tir a, fan aiawha ding chhuak Claudio Galimberti chuan, "Chak loh hi kan ning tawh. Kan khelmuala kan khingpuite'n inkhel an thunun hi kan hmu duh lo, kan mual hi team dang mualah chantir suh u," tiin a sawi a. Hei bakah hian player-te chu professional taka awm turin a hrilh a, zan lam intihhlimnaa chhuak tawh lo turin a ngen bawk.

Atalanta hi table-ah 17-naah an awm mek a, nizan khan Sassuolo nen an inkhel a, result kan hre hman lo.