Zaninah Liverpool vs Newcastle

Zanin dar 12:30-ah Liverpool in an khelmual Anfield-ah Newcastle United an mikhual dawn a, Champions League khelh phak tum Liverpool tan chak loh a thiang tawh lo.

Liverpool in season bul an ṭan ṭha lo chungin kuminah an rawn khel ṭha chho viau, mahse Manchester United laka an tawlhthluk hnuin Liverpool in Arsenal an hneh lo leh a, Champions League khelh phak an beiseina dinhmun a derthawng tawh hle. Mahse, tunhnaiah Liverpool in FA Cup quarter final-ah Blackburn Rovers an hneh a, FA Cup semi-final khel tur team hi an phur vanglai tak a nih avangin tum an chakawm loh ang.

Liverpool in an match hnuhnung pangaah vawi hnih tlawmin vawi hnih chak hmel an hmu a, vawi khat an khingpuite an inhnehtawk pui thung. Newcastle hi tunhnaia an record a ropui lo khawp a, tunhnai an match khelh vawi ngaah vawi li tlawmin vawi khat chiah chak hmel an hmu. An chak hnuhnun ber chu February 28 daih tawh kha niin an khelmualah Aston Villa chu 1-0 in an hneh a ni.

Team pahnih hi tunhnai an inkhel pangaah Liverpool an chak ngun zawk a, vawi hnih chak hmel hmu in Magpies ho in vawi khat chak hmel an hmu thung. Vawi hnih hi chak zawk awm lo in an ṭin a ni.

Liverpool tan inhliam vangin Mamadou Sakho chu a inlan theih a beiseiawm loh a, Emre Can chu an hremna a zawh tawh vangin a khel thei tawh dawn thung. Captain Steven Gerrard leh Martin Skrtel te erawh zanin hian an hremna an hmang zo dawn chiah a, match leh aṭangin an inlan thei ang.