ISL-a Mizo MC hmasa ber Asawma

R. Malsawma (Asawma) chu Mizo zinga Indian Super League-a match commissioner hmasa ber a ni a, Chanmari pa hian tun season ISL match hmasa bera Mohun Bagan leh Mumbai City inkhel ṭha takin a kaihruai a ni.

Asawma chuan, "ISL kalphung chu a danglam hlak a, engkim an uluk hle. Ka tan chuan tawnhriat ṭha tak a ni a, ISL opening match ka kaihruai thei hi ka ngaihlu takzet," tiin Vanglaini a hrilh.

Mizo pa Asawma hian ISL-a MC hna a chelh hma hian tawnhriat ṭha tak a nei tawh a; Durand Cup leh I League-ah MC hna chelh tawhin tun ṭuma ISL match enkawl tur pawh hian Sub Junior Boys' National Football Championship a enkawl lai an ko a ni.