Vawiin aṭangin Yamaha ADFA 1st Div Football

Yamaha ADFA First Divsion League chu vawiin aṭangin RG Stadium-ah khelh ṭan a ni dawn. ADFA hnuaia football inelna sang ber hi kalphung thlak hret a ni a, phase 1 leh phase 2-ah ṭhen a ni dawn.

Inelna hmachhawn tur team 10 te chu group hnihah ṭhen an ni a; group A-ah Bethlehem Vengthlang FC, Aizawl FC, Academy, Ramhlun North FC, Electric Veng FC leh College Veng FC te an awm a, group B-ah Kanan FC, Hlimen FC, Ramthar FC, Mission Veng FC leh Dinthar FC te an awm thung.

Group khat aṭangin team pahnih ve ve, phase 2 khel turin an tling dawn. Phase 2 pawh hi league-a khelh tur a ni. ADFA hnuai inelnaah hian player bakah team official te chu AIFF CRS kaltlanga ziahluh vek an ni a, CMS hman a ni bawk dawn.

Vawiin hian group A te an inkhel dawn a, match hnih a awm dawn. Chawhma dar 11:00-ah Electric Veng leh College Veng te an inkhel ang a, chawhnu dar 2:00-ah Bethlehem Vengthlang leh Ramhlun North te an inkhel zui ang.

ADFA First Divsion League hi Yamaha sponsor a ni a, Varte Finance chu co sponsor an ni. Match zawng zawng hi RG Stadium-a khelh turin ruahmanna siam a ni bawk.