Rooney hoten chak hmel an hmu ta

Wayne Rooney kaihhruai Plymouth Argyle-in tun season Championship-ah chak hmel an hmu a, Inrinni zan khan table-a pakhatnaa awm Sunderland chu 3-2 in an hneh. Black Cats hian match hmasa paliah hnehna chang vek mah se Rooney hote lakah an tlawm.

Home Park-a inkhelah mikhual team-in Patrick Roberts hmangin first half-ah hma hruai mah se second half-ah Sunderland defender Daniel Ballard-a'n an lama a tihluh hnuah Plymouth tan Ryan Hardie-a'n hmahruaina goal a khung.

Mahse, minute 86-naah Romaine Mudle-a'n Sunderland siphurh a sut a, 2-2 a inkhel tawp tura ngaih ni hman. Injury time-ah Plymouth tan Joe Edwards a rawn inlar a, chakna goal a khung.

Rooney chuan, "Chak thei turah ka inngai a, halftime-ah khan player-te chu goal bula ball luhpui turin ka hrilh a, goalkeeper leh defender te fiah turin ka hrilh a, chak turin ka hrilh. Ka naute hnathawhah ka lawm a, chak kan phuin ka hria," tiin a sawi.

Plymouth hian Sunderland an hneh hma hian league match vawi li khel tawhin chak an la nei lo a, tun ṭuma league hmahruaitu hneh hi result ṭha bik a ni.