Mayweather vs Pacquiao

< May 2 khian Las Vegas-ah Floyd Mayweather leh Manny Pacquiao te an inhnek dawn a, kar thum pawh nghah tlin a ngai tawh lo. Tunah chuan boxer pahnih te hian ngaihven an hlawh lehzual.

< MGM Grand-a inhnek tur aṭang hian dollar maktaduai 400 chuang lut tura rin a ni a, Telegraph-in a tarlan dan chuan inhneka referee turin $10,000 (Rs 6,23,450) chauh an hlawh dawn. Kenny Bayless leh Tony Weeks te chu referee ni tura rinkai an ni.

< Mayweather leh Pacquiao te inhnekna tur hi welterweight a ni dawn a, he weight a inhnek tur hian 63.5 kg (140 lb) leh 67 kg (147 lb) nih a ngai. American boxer Mayweather-a thlalak tarchhuah hnuhnung aṭanga a lan dan chuan WBA(Super) leh WBC welterweight champion lai Mayweather hian pound thum leh a chanve (kg 1.5) chu a la paih a ngai dawn a ni.

< Pacquiao chuan inhnek huna a mouthguard hman tur tlangzarh a, a ṭial ṭha khawp mai.