I League Shillong Derby-ah chak zawk an awm lo

Pathianni tlai khan JN Stadium-ah Shillong Lajong leh Royal Wa­hingdoh te an inkhel a, 1-1 in an inhnehtawk.

Kumin I League-ah tawn­hriat ngah zawk Shi­llong Lajong aiin Royal Wahingdoh an che ṭha zawk a, chak tura rin zawk pawh a ni. Lajong-ah hian Zodingliana Ralte-in starting eleven a chang a, Wahingdoh tlar hnung pali zinga pathum chu Mizo an ni. Defence laiah Lalchhawnkima awmin, a sirah Lalhmangaihsanga leh C. Lallawmzuala te an awm.

Shillong Lajong-in Dorjee Tamang hmangin minute 38-naah hma an hruai a, halftime-ah 1-0 a ni. Lajong hian an goal khat khung hum him kawngah harsatna an nei a, inhliam vangin first half tawp hma hretin captain Aiborlang Khongjee chu thlak a ngaih bakah minute 61-naah forward Seminlen chu hnawhchhuah a ni bawk.

Player 10-a khel La­jong an ṭang tlang mai dawna a lan laiin injury time-ah subsitute Seong Yong Kim chuan Wahingdoh tan goal pawimawh a khung. North Korea forward hian tun season-ah goal li a khung tawh.

Nikum I League second division cham­pionship-ah Wahingdoh hian point 23 hmuin pahnihna an ni a, Shillong Lajong erawh point 12 chauh hmuin table-ah 9-naah an awm.

# Team Pld GD Pts

1 Bagan 12 14 28

2 Wahingdoh 14 2 23

3 Bengaluru 13 7 22

4 Pune 13 4 20

5 East Bengal 12 6 19

6 Salgaocar 12 -3 14

7 Dempo 12 -4 13

8 Mumbai 13 -7 13

9 Lajong 12 0 12

10 Bharat FC 12 -6 11

11 Sporting 13 -13 7