Hoffenheim chak lo

Bundesliga club vantlang, Hoffenheim chu tlak hlau Cologne lakah 3-2 in an chak lo a, kum tharah Europe-a inlan an tumna kal kawng a harsat phah sawt dawn a ni.

Matthias Lehmann leh Anthony Ujah te goal thun hmangin Cologne-in 2-0 in hma an hruai a, mahse Pawel Olkowski chu hnawhchhuah a nih avangin Eugen Polanski hmangin Hoffenheim lamin an si phurh an sut ṭhen. Mahse Jonas Hector-a'n an goal thum­na a khung ve leh a, Hoffenheim tan hun tawp dawna Anthony Modeste goal khungin awmzia a nei tawh lo.

Lammual-ah pawh rawn inkhel tawh Hoffen­heim hian Bundesliga match 28 khelh tawh aṭangin point 37 an hmu tawh a, table-ah pasarihna an ni mek. Champions League khelh phak an beisei ngam tawh lo a, Europa khelh an tumna pawh a thamral mek a ni. Point thum hmu zawn Cologne tan erawh an chak hi a lawmawm hle a, relagate thei dinhmun a ding an la nih avangin point thum an hmu hi a hlu hle ang.