Downing-a'n Allardyce cham turin a duh

West Ham winger Stewart Downing chuan an coach Sam Allardyce chu chuak loin an club-ah cham rih se a duh thu a sawi.

Kum 60-a upa Allar­dyce hian tun season bak Upton Park-ah hian contract a nei tawh lo a, contarct thar a ziak a nih loh chuan a season tharah chuan a duh lam a hawi thei dawn a ni.

Downing chuan, "Kan hnena cham chhunzawm turin kan duh a ni. Kan manager a cham zel theih nan chuan result ṭha kan neih a angai a, chumi tur chuan player tin te kan pawimawh vek. Result ṭha kan neih chuan thil ala danglam theih ka beisei," tiin a sawi.

West Ham hian Inrinni khan Stoke City chu 1-1 in an inhnehtawk pui a, hemi hma hian Leicester City lakah 2-1 in an lo chak lo tawh. Premier League table-ah pakuana an ni mek a, match 32 khelh tawh aṭangin point 43 an hmu tawh a ni.