Bangalore in Hyderabad an ngam lo

Thawhṭan zan dar 8:00 khan Royal Challengers Bangalore leh Sunrisers Hyderabad te'n India Pre­mier League match an khel a, mi­khual tlangnel Hyderabad chuan wicket 8 in Bangalore hi an sawp a ni.

M.Chinnaswamy Stadium, Bangalore-a inkhelah hian over 19.5-ah Banglore-in an batsman neih zawng zawng an hloh vek a, run 166 an tlin thei hram. An player che ṭha ber South Africa captain AB de Villiers chuan ball 28 a hmachhawnah run 46 a vawchhuak hman tihin a out.

Hyderabad-in over 17.2-ah mi pahnih lek hlohin run 172 an vawchhuak a, awlsam takin khualmualah hnehna an chang a ni. Hyderabad tan ball 27-a run 57 vawchhuaktu captain David Warner leh a tawp thlenga dam ball 42-a run 50 vawchhuaktu Indian batsman Shikhar Dhawan te an che ṭha a, awlsam takin an chak phah ta a ni.

Zanin dar 8:00 hian Kings XI Punjab leh Delhi Daredevisl te chu Maharashtra Cricket Association Cricket Stadium, Pune-ah an inkhel bawk ang.