Falcao-a'n Monaco nuam a ti lo - Dirar

Monaco midfielder Nabil Dirar chuan Radamel Falcao-a'n French club nuam a tih loh thu a sawi chhuak.

Monaco hian nizan khan UEFA Champions League quarterfinal-ah Juventus an hmachhawn a, Ligue 1-ah champion thei dinhmunah an la ding a. Hetihlai hian Falcao erawh Old Trafford-ah nomawi chawi loin season khat a hmang dawn niin a lang.

Dirar chuan, "Falcao leh James (Rodriguez) te chanchin hi kan sawi ṭhin a, an awm lo kha kan tuar a ni. Amaherawhchu Mounir (Obbadi) leh Manu (Riviere) te chhuak pawh season tirah chuan kan tuar tho a, tunah chuan kan insiamṭha tawh," tiin a sawi.

Monaco midfielder chuan sawi zelin, "Falcao hi tunah chuan a inchhir tawh ngei ang. Champions League kan khelh laiin a khel ve lo a, mah se bo­ruak dang deuh hip kha a mamawh a ni. A chhan chu Monaco kha nuam a ti lo a ni," Colombian forward chungchang a sawi.