Marouane Fellaini a beidawng lo - Rooney

Manchester United captain Wayne Rooney chuan tunhnaia Marouane Fellaini cheṭha chu mak a tih loh thu a sawi chhuak.

Belgian midfielder hian 2013-14 season khan pound maktaduai 27.5 in United a zawm a, Manchester United chetṭhat loh kum a tawn nghal avangin sawiseltu a ngah hle.

Rooney chuan, "Defence aṭanga nawr hi kan duh dan a ni a, kan khingpuite'n min nawr thung chuan Fellaini hi kan innghana a ni. Khawvelah anni ball kang la thla thei ber a ni hial ang," tiin Fellaini chu a fak hle.

Season liamta sawi letin Rooney chuan, "Nikum kha chu Fellaini tan a harsa a ni. Amaherawhchu Fellaini hi a beidawng mai lo a, rim zawkin a thawk a ni. United chetṭhat loh tuar bertu a ni a, an sawisel nasat avangin a theihna ang a lantir thei lo a ni," tiin a sawi.

United captain chuan City an hneh ṭuma an game plan pawh a sawi lang a, Rooney chuan, "City midfielder-te kha an thatchhia tih kan hria a, player an ven uluk lohna tak kha hman ṭangkai kan tum a, kan tifuh bawk. Midfield aṭanga goal khung thei player kan neih kha kan hmang ṭangkai a, kan khelh ṭhatna hi kan chhunzawm zel theih ka beisei," tiin a sawi.