Kum khat dang cham leh duh Drogba

Chelsea striker Didier Drogba chuan tun season tawp rual a inkhelh chawlhsan mai lo a, season tharah pawh la inkhelh a duh thu a sawi.

Kum 37-a upa a nih tawh avangin season tawp rual hian Drogba hian football khelh a chawlhsan mai an ring tawh a, mah se ani chuan inkhelh ala tum thung.

Drogba chuan, "Chel­sea club hi ka hmangaihin nuam ka ti a, hun rei zawk chamchilh hi ka duh a ni. Player naupang zawkte nen he hmuna inkhelh ho hi nuam ka ti a ni," tiin Stamford Brigde-a khelh zel a duh thu a sawi.

Ivory Coast captain hlui Drogba hian kum 2004 khan Marseille aṭangin Chelsea hi a zawm a, kum 13 chhung chamchilhin goal 100 a khung hman. Hemi hnu hian Shanghai Shenhua-ah a kalsan a, Galatasaray lamah kal lehin a tawpah Chelsea-ah bawk a kir leh a ni. Tuna a contract neih lai hi tun season tawp rual hian a tawp zui ve tawh dawn a, contract thar a ziak a nih loh chuan a duh lam lam a hawi thei tawh ang.

Chelsea-a a kir leh hnu hian Premier League-ah vawi 23 a inlan leh tawhin goal thum a khung tawh a, a inkhelh 23 zingah hian vawi li chauh inkhel bul a ṭan a ni.