Hliam vangin Olmo chawl rih dawn

Barcelona-in Girona an sawp zanah chanchin lawmawm lo hriat tur an nei a, attacking midfielder Dani Olmo chu a malpui hliam vangin kar li vel a chawlh a ngai dawn.

Kum 26 mi Olmo hi hliam vangin minute 61-naah lakchhuah a ngai a, Eric García chuan a thlak. Barca fan-ten hlauthawng taka an thlir laiin nimin khan Barca chuan thuchhuah an siam a, an player hi hliam vanga kar li a chawlh tur thu an sawi.

Barcelona hi September 19, Ningani zan dar 12:30 hian Champions League khel turin an inlan zui dawn a, AS Monaco chu khualmualah an lenchilh dawn - player thar Olmo a tel ve dawn lo.

Spanish midfielder Olmo hi sawi lawk anga kar li a chawl a nih chuan match sarih vel chu Catalan club tan hian a khel thei dawn lo, tihna a ni.