Gallagher-a'n goal a khung

Atletico Madrid midfielder Conor Gallagher chuan Spanish club a zawm hnua a goal hmasa ber a khung a, Pathianni zan khan Valencia chu 3-0 in an hneh.

Estadio Cívitas Metropolitano-a inkhelah Atletico tan Gallagher hian minute 39-naah goal hmahruai a khung a, minute 54-naah Madrid khaw club thiampuipa Antoine Griezmann chuan a belhchhah ve leh bawk.

Atletico hian lawmna tur dang an nei - hun pek belh minute linaah Julian Alvarez chuan goal a khung ve leh a, Manchester City aṭanga pound maktaduai 80 chuanga an lakluh striker tan a goal hmasa ber a ni.

Argentina tana World Cup nomawi pawh chawi tawh Alvarez hian nipui lai khan Atletico hi a pan a, season hmasaah Manchester City tan khel tam mah se, match pawimawha duhthlan hmasa ber nih a duh.

He rilru nen hian Atletico a pan a, a match hmasa paliah goal a khung lo. Valencia lakah a khung ta hram a, Argentine striker hian khung belh zel a inbeisei ang.