Russia Fed Cup-ah Sharapova tel dawn lo
Tunkar tawp a Russia leh Germany ten Russia Fed Cup semi-final an khelh turah World number 2 Maria Sharapova chuan an ram aiawhin a tel theih a rinawm loh.
Kum 27-a upa Sharapova hian thla hmasa khan Miami Open-ah world number 97 Daria Gavrilova a hneh lo a, hemi hnu hian a la inkhel leh meuh lo a ni.
Russian star Sharapova chuan, "Kan team leh ka mimal hum hman dan tur ruahman sa tih danglam anih avangin ka tel ve thei thut maithei. Mahse a beisei awm lem lo," tiin a sawi.
Sawi chhunzawmin Grand Slam nomawi vawi nga lai lo chawi tawh Sharapova chuan, "Vanduaithlak takin ka keah hlian ka neih avangin kan inkhelh hun tur a ruahmanah hian ka la dam chian hman ka ring lo a, hun a chep tawh em avangin inbuatsaihna hun ṭha ka nei tam lo a ni," tiin a sawi.