Wayne Rooney thusawiin team phurna a pe - Blind

Dutch defender Daley Blind chuan Manchester United captain Wayne Rooney chu derby an chakna kawnga team phurna petu a nih thu a sawi.

Ajax player hlui Blind chuan, "Mancheter Derby pawimawh zia kan hre vek a, chumai bakah season thara Champions League khelh tuma inum kan nih avangin a pawimawh a, a zawna vawi li kan hneh tawh loh avangin chak loh ngam chi a ni lo," tiin derby pawimawh zia a sawi phawt.

Blind chuan Rooney fak zuiin, "Kan chhuah hma chiah khan Rooney-a'n kan inkhel tur pawimawhna chiang takin a sawi a, inkhel thlirtute chuan player-te khan kan theihna zawng zawng kan lantir tih in hmu thei ang. Sawi hmaih theih loh chu mipui kha an ni, an ṭawiawmna khan inrintawkna min pe a ni," tiin a sawi.

Louis van Gaal-a team-te hian Inrinniah Stamford Bridge-ah Chelsea an hmachhawn ang.