Mumbai in Rajasthan an ngam lo

Thawhlehni zan dar 8:00 khan India Premier League-ah Mumbai Indians leh Rajasthan Royals te an inkhel a, wicket sarihin Rajasthan-in Mumbai Indians an sawp.

Sardar Patel Stadium, Ahmedabad-a inkhelah hian Mumbai lam an bat hmasa zawk a, Australia captain hlui Ricky Ponting-a nau te hian over 20-ah run 164 chiah an tlin thei a, mi panga an out. Mumbai players zingah Kieron Pollard che ṭha berin ball 34 a hmachhawnah run 70 a vawchhuak. Captain Rohit Sharma erawh a che ropui lo hle a, ball nga a hmachhawnah run siam miah loin a out a ni.

Rajasthan Royals tan an target hi a sang hran lo. Captain Steven Smith-a'n a naute a rawn ho ṭha a, ball 53 a hmachhawnah run 79 vawchhuakin a tawp thleng a dam a ni. Rajsthan hian over 19.1 an khelh thlen meuh chuan run 165 vawchhuakin an target an um pha der tawh a, mi pathum chiah hlohin harsa lutuk loin an chak a ni.

Zanin dar 8:00-ah Sunrisers Hyderabad leh Rajasthan Royals te chu ACA-VDCA Stadium, Visakhapatnam-ah an inkhel leh bawk ang.