Hun rei zawk ka la intlansiak thei ang - Rossi

Italian rider Valentino Rossi chuan tuna a contract neih lai a hman zawh hunah pawh intlansiak chawlhsan mai lo a, ala intlansiak chhunzawm zel theih a beisei thu a sawi. Tuna Yamaha nen an contract neih lai hi 2016 thleng a ni.

Kum 36-a upa Rossi hian nikum khan Yamaha nen contract an ziak thar a, nakkumah a contract neih lai hi a tawp ang.

Yamaha rider Rossi hian tun season intlansiak bul a ṭan ṭha hle a, intlansiak hmasa berah pakhatna niin, Texas-ah pathumna a ni leh bawk. Tunah hian World championship-ah hma a hruai mek a ni.

Moto GP ṭum sarih zet World champion lo ni tawh Rossi chuan, "Kuminah intlansiak vawi hnih kan neih tawh aṭanga hmahruaitu ka ni thei hi ka lawm a, ka beisei aiin ka tlan ṭha ṭhin zawk hial. Ka kum tam ve deuh tawh mah se ka hriselna ala ṭha a, ka rilru put hmang a la dik bawk avangin intlansiak chawlhsan lamapang hi ka la ngaihtuah ber lem lo. Ka hmabak ṭha tak a hlen chhuak turin ka inbuatsaih tawp mai a ni," tiin a sawi.