Thla hnih chawl tur Wissa

Brentford forward Yoane Wissa chu a kerek a hliam a, a rei lo berah thla hnih chhung tal a chawlh a ngai dawn niin an coach Thomas Frank chuan a sawi.

Kum 28 mi Wissa hi kar tawpa Manchester City an hneh loh ṭumin a inhliam, midfielder Mateo Kovacic nen an intihpalhna lama a hliam vang hian thlak phawh a ngai hial.

Etihad Stadium-a goal khungtu DR Congo international hi a dinhmun endik a ni a, club lamin an beisei dan chuan November thla laihawl velah a inkhelh leh theih a rinawm.

Brentford coach Frank chuan, "Wissa chanchin hi thil dawhawm tak a ni lem lo, kan player ṭha leh pawimawh tak hi thla hnih chhung a chawlh ngei a ngai dawn niin a lang.

"Ani bakah hian player pawimawh hliam an awmsa bawk a, season bul ṭan laia hetiang player ṭha chan hi chu keini ang club tan chuan a lungngaih thlak," tiin a sawi.

Ivan Toney chhuah hnuah Wissa hian hmun pawimawh a chang chho a, tun season Premier League an match hmasa pali aṭangin goal thum a khung der tawh.