Ronaldo a inkhel ve rih lo

Cristiano Ronaldo chuan damlohna vangin Asian Champions League an match hmasa a khel thei lo a, Ronaldo tel lohna Al Nassr hi Irag club Al Shorta nen 1-1 in an inhnehtawk.

Thawhṭanni zan inkhelah Saudi Arabian club Al Nassr tan Sultan Al-Ghannam chuan miniute 14-na lekah goal hmahruai a khung a, goal luh aṭanga minute 10 hnu lekah Mohammed Dawood chuan sutin goal dang a lut zui tawh lo.

Match khelh hmain Al Nassr chuan Ronaldo-a tel theih loh tur thu hi an puang lawk. Portuguese forward hi hliam ni chiah lo mah se, taksa nuamsam lo vanga chawl niin an sawi.

Inkhel dangah Al-Ahli chuan Iran club Persepolis chu 1-0 in an hneh. Goal awmchhun hi Barcelona leh AC Milan midfielder hlui Franck Kessie khung a ni a, chak nan a tawk.

Ivan Toney chuan Al-Ahli tana a match hmasa ber a khel a, English Premier League club Brentford aṭanga Saudi club zawmtu hian goal erawh a keng tel nghal bik rih lo a ni.