Sinner leh Marco Panichi thawkdun

Jannik Sinner chuan fitness coach Marco Panichi nen an thawkdun tih a puang - Panichi hi tun hma lamin Novak Djokovic nen pawha lo thawkdun tawh kha niin tawnhriat a nei ṭha hle.

Italian tlangval Sinner chuan social media pakhat X-ah Panichi nena an thlalak a tarlang a, an team zingah an lawmluh thu a sawi bawk, ani bakah hian physiotherapist Ulises Badio a tel bawk.

A hma chuan Sinner hian Umberto Ferrara leh Giacomo Naldi te a thawhpui a, tunah chuan Panichi leh Badio te hian an rawn thlak a, tun season inelna hmabakah pawh an thawk ho hman tihna a ni.

Panichi hian Djokovic bakah Fabio Fognini, German nula Angelique Kerber leh Chinese legend Li Na te pawh a lo thawhpui tawh a, tun hnaia khelmual pawn lama boruak dang nei Sinner hian a lakah rinna a nghat ngam a ni.