League Cup-a penalty shootout rei ber

Preston North End leh Fulham te hun pangngaia 1-1 a an inhnehtawk hnuin penalty shootout-ah Championship club 16-15 in an chak. League Cup history-a penalty shootout rei ber ṭum a ni.

Deepdale-a inkhelah Preston tana Ryan Ledson-a goal khung chu second half-ah Fulham tan Reiss Nelson-a'n a sut. Penalty shootout hmangin chak zawn a ni a, player 11 ve vein an pet hnuah pawh an la inhnehtawk. An pet chho zel a, a tawpah Preston 16-15 in an chak a, player 17 ve vein penalty an pet.

Kum 2016 khan Derby County chuan Carlisle chu penalty shootout-ah 14-13 in an hneh a, kum kaw hnuah Preston leh Fulham inkhelin record thar an siam. Preston boss Paul Heckingbottom chuan, "Hetiang ang penalty shootout hi ka la tawng ngai lo. Inkhelah chuan draw tum zawk kan ni a, kan tum ang ngeia penalty shootout kan thlen hnuah erawh kan rilru zawng zawng kan pe," tiin a sawi.