Salvatore Schillaci a thi

Italian football legend Salvatore Schillaci chu nimin khan a thi - 1990 World Cup goal khung tam ber hi kum 59 mi a ni a, a thih chhan hi ril cancer vang a ni.

Schillaci hi 'Toto' tia hriat lar a ni a, kum 1990 World Cup an ramin an thlen ṭum khan goal ruk a khung a, Golden Boot dawngin semifinal-ah chak lo mah se Golden Ball a dawng tel bawk.

Italy rama football inelna sang Serie A chuan thuchhuah siamin, "Italy rama 1990 World Cup chawi lartu, a ṭha leh sang thei ang ber thlen duh mi a ni a, a sulhnu khan ṭangthar tam tak phurna leh chona a pe. Amah vang khan mi tam takin Serie A khelh an chak," an ti.

Club lamah chuan Messina, Juventus leh Inter Milan tan a vanglai hin a hmang a, a hun tawp lamah Júbilo Iwata tan match 78 aṭangin goal 56 ngawt a khungsak bawk.

Match 90 aṭanga goal 26 a khungsak Juventus chuan thlahna thu tarlangin, "Toto hi chu a mak danglam hle, a inpekna leh midang a hneh theihna kha a hlu. World Cup 1990 kha kan tana a khelh lai a nih avangin kan tan chuan a hlu zual," an ti.