Jamshedpur an chak nghal

Khalid Jamil-a enkawl Jamshedpur FC chuan tun season-a an league match hmasa berah 2-1 in FC Goa an hneh a, point thum an hlawh chhuak. Goan club hian Armando Sadiku hmangin goal hmahruai khung mah se, Men of Steel hian Javi Siverio hmangin si phurh an sut a, Jordan Murray chuan hun pek belhah chakna goal a khung zui.

Aizawl FC boss hlui Khalid-a'n India coach Manolo Marquez-a enkawl FC Goa a hneh a, mahse, a ṭawng uang duh lo. Khalid chuan, "Hei hi football chu a ni - chance kan neih angte kan khung a ṭul a, zaninah kan vanneih zan kan tawng a ni," a ti.

FC Goa-in Mizoram player pathum kawl mah se, bench-ah Ayush Dev Chhetri a awm tih loh chu hmuh tur an awm lo a, Jamshedpur-in an Mizo player neih chhun C. Lalhriatpuia chu squad-ah an dah lo bawk.