Wellington-a'n Work Permit a hmu

Arsenal-in kum 2011 khan pound maktaduai 3.5-in Fluminese aṭangin Wellington Silva an la lut a, work permit a hmuh loh vangin Premier League-ah a inlan thei lo.

Silva hi Arsenal tana a inziah luh hnuah Spanish club Levante, Alcoyano, Ponferradina, Murcia leh Almeria tan a khel a, Brazil U17 leh Brazil U21 tana koh a ni tawh bawk.

Brazilian winger Silva hian April 15 khan Spanish passport a nei a, United Kingdom chhunga club tan a khel thei tawh dawn a, Arsenal tan a inlan thei tawh dawn tihna a ni. 2015-16 season-a Arsenal tana a khelh leh khelh loh chu Arsene Wenger-a kutah a awm tawh.

England-ah European Union huam chhunga player nilo tan work permit neih a ngai a, khelh phalna an nei tur hian work permit an dil hma kum hnih chhung khan an ram inkhel 75% ah an inlan theih a ṭul. Amaherawhchu player thiam bik a nih chuan hriatthiam theih dan a awm a, Chelsea-in kum 2013-a Russian club Anzhi Makhachkala aṭanga Willian an lak khan hriatthiam a ni.

Player talent nei ṭha bikah chuan FA panel-in an endik a, English football hmasawnna atan a ṭha tawk em tih an thlir ṭhin.