Zarkawt tan phuba lak na hun

Samsung 3:16 Mizoram Super League-ah Tuikual South leh Zarkawt Serpents te hi March 12 zan dar 8:00 khan Hawla Indoor stadium-ah an lo intum tawh a, Tuikual South lamin Rakesh Sangwan khelh ṭhat zarah hnehna an chang. Zaninah a hmun leh a hun ngaiah team pahnih te hi an intum leh dawn. Tuikual South tan hneh tawh hnu an nih avangin an huphurhawm hran lo ang a, Zarkawt Serpants tan tournament vawikhat a team ngai hneh loh nawn a tih chi loh thung ang.

Tunlai dinhmun

Tuikual South lam hian match riat an khelh aṭangin vawi li hnehna an chang tawh a, an chak zat chiah hi chak loh an nei bawk. Table-ah point 12 hmuin pathumna an ni mek a, final luh theihna chance an la neih avangin zaninah hian an ti mai mai lo tawp ang.

Zarkawt Serpents lam hian match riat khelh tawhah vawi hnih chauh hnehna an la chang a, vawi ruk an tlawm thung. Table-ah point 10 hmu tawhin a hniam ber dawtah an awm mek a, final luh beisei thei tawh lo mah se a ṭha thei ang ber a hnu khar an duh dawn avangin zaninah hian theih tawp an la chhuah zelin a rinawm.

Entu lam

Mizote hi inṭawiawm ṭhin hnam kan ni a, a bikin mi hmingṭha leh chhuanawmte kan ngaisangin kan ṭawiawm ṭha thei hle. Zanin pawh hian Tuikual mipuite an veng pasalṭhate au phur turin Hawla Indoor Stadium-ah an pungkhawm ṭhahnem leh hlein a rinawm. An veng player te an au zam mai ang tih hlauin an thlavang hauh tur leh an chakna thahrui ni turin Zarkawt veng mipui pawhin an team te an ṭawiawm ve leh ngei anga, mipui an tam viau tur a ngaih a ni.