Gomis a hliam na

Swansea City striker Bafetimbi Gomis chu a tihrawlna vangin a rei lo berah kar li tal a chawlh a ngai dawn, kartawp a Everton nen 1-1 a an inhnehtawk ṭum khan a hliam a ni.

Liberty Stadium-a inkhelah khan French forward hian minute 15-naah goal shot a tumna lamah a inhliam a ni. He inkhelah hian Swansea manager Garry Monk-a'n bench-ah striker a dah loh avangin winger Marvin Emnes chu a aiah a dah luh a ngaih phah a ni.

Gomis hian Lyon aṭangin Swansea hi nikum khan a zawm a, a club tan hian match 29 khel tawhin goal nga a thun tawh a ni. A tirah che ṭha nghal lo mah se, tunhnaiah an rawn khel ṭha chho ṭan mek a, Gomis inhliam hi ama tan leh team tan a pawi hle ang.